Ֆրանչիսկոս Պապ ընդունեց Յոյն Մելքիթ եկեղեցւոյ` գերերջ. Լահհամ Գ Պատրիարքին հրաժարականը
(Ռատիօ Վատիկան) Ֆրանչիսկոս Սրբազան Քահանայապետ, 6 մայիս 2017 թուակիր նամակով մը, ընդունեց Յոյն Մելքիթներու ՝գերերջանիկ Գրիգոր Գ Լահհամ Պատրիարքի ներկայացուցած ՝հրաժարականը։
Սրբազան Հայրը, հիմնուելով եկեղեցական օրէնքներուն վրայ, Յոյն Մելքիթներու եկեղեցւոյ կառավարիչ նշանակեց Հալէպի թեմի Յոյն Մելքիթներուն առաջնորդ՝ Արքեպիսկոպոս Ժան Քլեման Ժամպարթ, մինչեւ նոր պատրիարքի ընտրութիւն ։
Ֆրանչիսկոս Պապ Յոյն Մելքիթներու գերերջանիկ Կրեկորիօ Գ Լահհամ Պատրիարքի յղած նամակին մէջ իր երախտագիտութիւնը յայտնեց Պատրիարքին, Աստուծոյ ժողովուրդին մատուցած ծառայութեան համար, ինչպէս նաեւ հովուական մեծ պատասխանատուութեան համար։ Սրբազան Հայրը գրեց թէ , Մելքիթներու պատրիարքին կողմէ՝ հրաժարականի նամակը ստանալէ վերջ , երկար ժամանակ անոր մասին խոկալէ ետք, հնարաւոր եւ կարեւոր նկատած է ընդունիլ պատրիարքի հրաժարականը , Յոյն Մելքիթներու եկեղեցւոյ բարիքին համար։
Նամակին մէջ Ֆրանչիսկոս Պապ, ապա շնորհակալութիւն յայտնած է Մելքիթներու Լահհամ Գ Պատրիարքին՝ Աստուծոյ ժողովուրդին ու եկեղեցւոյ ի սպաս երկար տարիներուն վեհանձն ծառայութեան համար, ինչպէս նաեւ միջազգային հասարակութեան ուշադրութիւնը ՝ Սուրիոյ տագնապին վրայ հրաւիրած ըլլալուն համար, հայցելով Աստուածամօր բարեխօսութիւնը Մելքիթներու Յոյն եկեղեցւոյ համար, Սրբազան Քահանայապետը որպէս շնորհքի եւ քաջալերանքի նշան, բոլորին շնորհած է իր առաքելական օրհնութիւնները։
| All the contents on this site are copyrighted ©. |